Terceira temporada da serie, que partía dun tráxico accidente de tráfico en que morreron dúas persoas e que sacudiu a vida de tres familias de Abrente. Inclúe novos personaxes e novas tramas, como a construción dun novo porto deportivo que dividirá a vila de Abrente. Mónica séntese excluída das decisións da familia López de Castro e pensa reclamar parte da herdanza de Óscar Osorio a través dunha proba de ADN. Para evitar isto, Natalia está decidida a cremar a seu pai en lugar de enterralo. Brais trata de persuadir a súa moza para que tome a decisión correcta. Isidro sospeita que o falecemento de Osorio non foi por causas naturais.