Cidade de México, a gran metrópole latinoamericana, nova parada de 'Latitude galega'

Santiago, 24.3.2026.-    O espazo ‘Latitude Galega’ visita este martes Cidade de México, unha urbe que conta con 25 millóns de habitantes e é considerada a oitava aglomeración urbana do mundo. Esta capital que está situada a 2.000 metros sobre o nivel do mar destaca como importante centro económico e cultural de América Latina. A súa recoñecida gastronomía, os xacementos de Teotihuacán e a loita libre mexicana son outros dos seus alicientes. 

A reporteira Alba Mancebo coñecerá esta gran metrópole latinoamericana da man de cinco galegos: Santiago, un facilitador da Coruña; Carmen, unha directora comercial de Ribeira; Pablo, un actor de Meaño; Aarón, un consultor de Betanzos, e Iago, un arquitecto da Coruña.