Actuacións memorables, nervios e moita emoción, esta noite en 'A liga dos cantantes extraordinarios' - CSAG
Actuacións memorables, nervios e moita emoción, esta noite en 'A liga dos cantantes extraordinarios'
Os concursantes chegan ao terceiro programa (22:00 h) con ganas de dalo todo nun escenario ao que hoxe regresa, Alejandra Pais, que se estrea como madriña
Santiago, 29.11.2025.- Os concursantes de ‘A Liga dos Cantantes Extraordinarios’, o programa da TVG presentado por María Mera, chegan hoxe ao terceiro programa con ganas de dalo todo no escenario.
A primeira en demostralo será Virginia, que non defraudará. Unha vez máis, a viguesa, procedente do mundo da automoción, deixará sorprendido o xurado, desta volta, coa canción ‘Me gustas mucho’.
Pola súa parte, a Yeny non acaba de tocarlle a canción que lle gusta, pero está convencido de defender cada tema que lle toque e fará un auténtico show con ‘La Morocha’. Mentres, Sabela desmelenarase con ‘La loba’, e os nervios xogaranlle unha mala pasada a David.
Ademais, Carlos e Lucía interpretarán a dúo ‘Te quiero, te quiero’, un tema que abraiará o xurado, e María sorprenderá coa súa interpretación de ‘Sobreviviré’. Con Diego chegará o momentazo desta edición do programa, xa que revolucionará o escenario con ‘El queso’.
‘A Liga dos Cantantes Extraordinarios’ tamén lles ofrecerá unha agradable sorpresa aos seguidores do programa, a onde este sábado regresa Alejandra Pais, que se estreará como madriña.